[A:230]pag sha'i chos dung rgyang grags 'di nyid srung mas dngos grub kyi tshul du sbyin bdag gur mgon gyis phul/ de nas yar byon pa'i lha rtags mdor rdo la zhabs rjes gsal ba phyogs de'i skye dgu'i bsod nams kyi rten du bzhag lha ri gsum mdor phebs tshe sa gnas kyi byang sems yul lha'i tshul 'dzin pa/ jo bo sgyogs chen ldong ra lha bu nor bu'i gtsug rgyan can du sprul nas/ kwa ye 'jam dbyangs bla ma bka' drin can/ /byang phyogs mun pa'i smag rum 'thims 'dra bar/ /dam pa chos kyi bdud rtsi stsal du gsol/ /rdo rje theg pa'i sgron me sbar du gsol/ /zhes sogs kyi gzhan don la thugs rje bskul ba'i tshigs bcad lung bstan mang du phul ba'i mthar/ bya rgod gcig tu sprul nas mkha' la 'phur tshul byung ba dang / de yang rdo la sku chos kyi rjes gcig gnang ba sogs zhib par yi ge mangs kyis dogs pa las gzhan du grub pa'i rtags mtshan dpag tu med par stsal/
de nas slar yang bdag chen kun legs zhabs drung mjal zhing gser srang gang sogs 'bul bar mdzad nas bka' bgros bstun rgya yul du phebs bzhed kyis zhag gsum lam gtor gyi gtor 'bul mdzad skabs dpa' bo mkha' 'gro'i tshogs kyis me tog gi char zim phab pa mthun grub tu byung / de nas spe yi chu