[A:233]bcom bdud sde kun las rgyal/ /slar yang mjal shing skal ldan re ba skong / /dam chos sgrog cing grags pas sa kun khyab/ /bsam don sgrub cing bar chad kho mos sel/ /zhes sogs kyi lung bstan dang dam bca' phul lo/ /
de nas yang nam mkha' rgyal po'i rim gror phur bzlog gnang ba sogs gdul bya kun gyi re bskangs nas slar yang yar 'byon rgyur dgongs pa gtad te li thang brgyud nas phebs lam rnams su grub mtha' gcig min sogs skye dgu mtha' dag gis zhabs 'degs rgya chen la rang skal bzhin gyi chos 'brel stsol bzhin pas 'dam thog chos sder phyag phebs/ bdag chen zhabs drung dang mjal 'phrad thugs snang gshin pa'i bka' bgros dang bcas spro bzhin pa nas dbus ljongs su chibs bsgyur brtsams pa'i lam bar rnams su de skabs rdza chu la ko ba gtong dgos skabs la rje nyid phebs gdong chu rab bde mor bgrod thub pa dang / skabs shig lam nor en byung ba bya rog gnyis kyis lam sna bstan pa dang / mnal lam du lung bstan byung ba bzhin/ slob dpon chen po'i phyag rjes zhig kyang 'don par mdzad pa da lta dpal sa skya'i bstan sgam na bzhugs pa sogs thun mong ma yin pa'i mdzad pa blo'i ra ba las brgal bzhin pas lha sar