[A:234]phebs nas jo shAka rnam gnyis sogs la mjal mchod mdzad/
de yan gyilam du yang lha sde/ mi sde kun la chos dang zang zing gi sbyin pas tshim par mdzad pa dang / gzhis ka phreng po zur bus sde pa ngos ma bsad pa'i gshin po'i gnas 'dren dang / gson pa'i srog bslu mdzad pa sogs thugs rje dang / phrin las tshad med pa'i ngang nas rim gyis phebs pa'ii gdan sa nas ser phreng mgon 'chams sogs gzab spros dang bcas pas bsus te/ dgung lo nyer lnga chu byi'i steng la gzhir bzhugs zhal ngo rin po che rnams dang phan tshun thugs spro ba'i ngang nas mjal te khyad nor thams cad yab rje rdo rje 'chang gi zhabs drung du phul/ lha dang srung ma rnams la gtang rag mchod sprin rgyas pa dang / chos sder yang mang skol 'gyed bcas rgya cher stsal te/ dgyes bzhin pas bzhugs thog dgung lo nyer drug gi skabs shig mnga' ris gong ma chen po khri sde bsod nams dbang phyug nas gdan 'dren nan zhu byung bar/ zhal ngo thams cad thugs gros bstun pa'i sgo nas 'byon pa shar te/ rdzong khar phyag phebs thog gong ma chos rgyal chen po phebs bsur 'byor ba nas bzung pho brang khyung rdzong dkar por zla gcig tsam bzhugs te rdo rje phur pa'i gtor bzlog dang mgon po drug cu pa'i gtor bzlog sogs gnang ba gnad