[A:235]smiin gyi mtshan ma ya mtshan pas dad 'bul rgya chen po dang bcas chos rgyal nyid kyis skyel thung mdzad nas gdan sar phebs te rnam dkar gyi phrin las rgya cher skyong mur/
slar yang bdag chen kun dga' legs pa'i dgongs pa rjogs phyir dgung lo nyer bdun shing stag lor mdo khams su 'byon pa'i dgongs pa gtad nas chos srung la lam gtor dang / zhal ngo rnams la bka' bgros thugs smon mdzad/ sku mched gnyis pos kyang glang dkar bar thugs 'phreng ba'i skyel thung mdzad cing phyir lam ngor du phebs/ de nas kyang bsam grub rtser sde srid kyi sku rim drug cu pa'i gtor bzlog gnang / khrom la tshe dbang mdzad/ rim gyis phebs te dpal 'byor rab brtan du re zhig bzhugs/ dbyangs can bsod nams rgyal mor phur pa'i dbang bka' gnang / bstan pa spyi sger gyi rim gror phur bzlog mdzad/ mngon spyod kyi rtags mtshan mthun grub tu byung / yar rgyab chu 'phrang la bgegs bskrod mdzad pas chu chen rgyang du bros pa dang / mchims phur zhabs rjes stsal zhing / nyi ma bzung ba thams cad mthun snang du byung / rim gyis 'phan yul brgyud dur khrod klu mo rgyal gyi bam gdan rdo leb kyi steng du o rgyan rin po che dpa' bo mkha' 'gro chos srung bcas la mchod gtor