[A:237]'phral zhal mjal ma byung dogs pas 'phral bshad du phebs te bdag chen de nyid dang dngos mjal gsung gleng thugs dgongs rdzogs pa byung / sku ngos nas nan zhus dang / sku 'khor rnams kyis dbu tshugs kyi ngo ma chog par dgon ma bu dang phyag rdzas gang yod rtsis bzhes lugs mdzad zin 'phral slar yang sku rim zhabs brtan gseng shor med pa bsgrub kyang zhing khams gzhan gyi gdul byar gzhigs pas rdo la bsnyung bu btsugs pa'i lugs las ma byung bar thugs yus pa'i ngang nas sku gdung zhu ba dang dbus gtsang phyogs su mang bskol gser gdung bzhengs pa sogs thugs dgongs rdzogs thabs rmad du byung ba gnang bzhin pas gdan sa de nyid du lo ngo bzhi bzhugs nas/
dgungs grangs so gcig bzhes tshe mtha' 'khob sog po 'dul ba'i dus la gzigs te chibs btegs nas rim pas phebs te mtsho khri shod rgyal mo'i lho phyogs sa'i dpyad phun sum tshogs shing chos ldan gyi rgyal poo 'khor lo chen po zhes bya bas skyong ba'i yul gyi cha sha ra jur ge zhes bya bar bzhugs sgar btab/ sa bya lo zla ba gnyis pa'i dus tshes phun sum tshog pa'i nyin mor sa dbang de nyid dang mchod yon mjal 'dzom rten 'brel gyi sgo brgya phye/ sngar phan rgyal po'i btsun mo bog tho ma zhes par rigs