[A:238]brgyud ma byung bar zhabs drung du srung rim skyabs 'jug zhus pa bzhin/ lha srung rnams la phriin bcol gnang bas phyi lo rgyal brgyud 'khrungs par rje nyid nas ming nor bu mgon skyabs gnang / gzhan yang rgyal blon phal che ba dag rdo rje phur pa'i dbang bskur gyis smin par mdzad/ spyi sger gyi rkyen sel gtor mdos sogs mang du gnang zhing re ba'i shing rta bkang nas slar yang 'dam thog phyogs la chibs bsgyur mdzad tshe rgyal po 'khor bcas gus zhen gyis 'bral mi phod pa'i rnam pa byung / tshur lam yang shos kun dga' thas ji'i sa phyogs su lha 'dre'i cho 'phrul rtsa 'bu gdug pa can zhig gis rtswa rnams thams cad zos pas dud 'gro dpag med mu ges 'chi rkyen byung 'dug par gzhan phan gyi thugs rje tshad med pas sa phyogs der rdo rje phur pa'i dkyil 'khor bzhengs nas stod las byang chub sgrub pa'i dkyil chog gnang bas de 'phral nasartswa 'bu'i 'tshe ba nam yang ma byung bas kun gyis dad brgya'i gsol 'debs lhur len par gyur pa sogs thun mong ma yin pa'i rnam thar ya mtshan du ma dang bcas sa dkar gdan sar phebs/
de nas kyang ri zhig nas shar phyogs su 'byon pa'i dgongs pa shar te/ rim brgyud kyis sde dger phyag phebs pa dang / sde