[A:240]zhes sogs zhal bzhes phul/
de nas shes khog stod smad rim brgyud mchod rten dkar por phyag phebs tshe sa yangs dang lcags la gnyis 'khrug rtsod shor ba'i gtan gsan ma thag sngon gyi sbyin bdag rnying mar gyur pa dang / 'phral gyi thugs rje shugs drag 'khrugs pas bskul te/ nyin mtshan ltos med du dar mdor phebs tshe/ phal pa'i blos mi 'khyud pa'i lha min gyis 'khrug long lta bus gnam sa khengs pa'i bar du thog brdzis kyi byon te lugs gnyis char dang bstun pa'i bar 'ching gnang bas bde 'jags su btang / chu log chen pos tshong 'dus 'jig la nye ba'ang bden smon gyis bzlog
de skabs shig na dpal lha sgang shes bya ba'i gnas chen du dge 'dun khri phrag mang tshogs mdzad nas rje nyid tshogs dbur phebs/ rten mchod 'dus pa rnams la 'bul 'gyed rgya che ba stsal/ 'di khongs su rdo rje phur pa'i gtor bzlog rgyas pa zhig gnang ba'i skabs/ rdo la zhabs rjes shig kyang stsal zhing / me tog gi char sogs kyis kun kyang ngo mtshar bar mdzad/ gzhan yang snga phyir dar mdor rang du rdul tshon la brten pa'i rdo rje phur pa'i dkyil chog 'chams sogs gdan sa'i phyag len las khyad