[A:253]brag tu phebs tshe zhabs 'degs legs par zhus/ de nas rdo mchod du phebs tshe sprul pa'i chos rgyal sku 'khor yul bdag lha klu sogs kyis glu gar rol mor bcas pas bsus pa'i pi lbang gi sgra las bstod dbyangs gsan pa'i thugs nyams gsal po dang / sngon dus bai ro'i sku tsher slob dpon chos rgyal lo paN sogs mjal phrad kyis tshul thugs dran gsal por gsos shing / dbu rtse chen mo'i mkhan slob rab byung tshogs kyis ser phreng bsu ba ngo mtshar dang bcas nas phebs/ chos skyong chen por gtang rag bskang bshags rgyas par phul/ bu tshal gser khang du gdan phab/
dgung lo so brgyad shing glang lo zla ba bcu gcig pa'i tshes gsum nyin lcog steng du bsangs chen mdzad tshe chos skyong chen po sku pheb sa te/ glang nas glang lo'i bar sogs kyi lung bstan gdeng khel phul/ de skabs lo nas spyan snga byams pa kun dga'i mtshan can gdan drangs nas bka' chos yun ring por gsan/ phar yang / sa lo'i bka' 'bum gsung ngag khrid yig snyung gnas cho ga rdo rje gur/ rtsa brgyud brtag gnyis/ rje nyid kyi lam glu ring mo sogs kyis ljags lung stsal/ 'di lo dam nyams kyis rgyud dkrug pa kha shas kyi byed spyod la brten bar skabs 'tshubs zing zhig byung bas rten rnams la nyams grib byung tshod