[A:254]kyis chos skyong chen pos mdo sde mchod pa'i thog tu dbu rtse'i sku 'dra rnams la rten khrus dgos tshul dang / lcog steng gi byang shar du sngags 'chang chen pos gnang ba'i thug dmar la nyams gsos dgos tshul zhus pa ltar rten la khrus gsol rgyas pa dang / thug dmar gsar du btsugs nas bstan pa rgyas pa'i 'phrin bcol rgyas par mdzad/ bsam yas gling bzhi gling phran jo mo gling gsum ka bcu lha khang sogs zhib mjal gyi dbu rtser gnam rgyan dang gzhan rnams la snyan shal dbul/ de nas yar rgyab phyogs su phebs tshe chos skyong chen por lam gtor gnang ba'i spyan 'dren gyi skabs su sku sten la pu tra dngos su bab nas yid ches gdeng khel gyi lung bstan du ma phul/ de nas grwa pa mngon shes kyi gtsug lag khang chen gra thang du phebs/ mang skol gnas mjal rgyas par mdzad/ grub rgyal gyi bka' dbang khrom chos su stsal/ gdung phud la byon nas mang skol dang tshogs pa la 'jam dkar sogs bka' chos kha shas dang khrom tshogs la tshe dbang gnang / rim par spre shing phebs nA ro'i sku rgyan thugs dam padma rA ga sogs yod pa'i gdung rten dang dud sol lha mo'i drung du bskang ba rgyasapa mdzad/ mang ja dang snyan dar thugs smon gnang tshe mkha' la mja' 'od 'khrigs pa kun gyi mthun snang du gyur/