[A:283]'dres med ldab phar lugs kyis dgongs rdzogs rgya cher mdzad/ dgongs rdzogs dngos gzhi'i nyin 'jam mgon a mes zhabs khri thog tu phebs nas gsung bsngo sogs zin gyi bar nam mkha' 'ja' 'od kyis khyab pa sogs ya mtshan pa'i ltas rgyun chags su byung /
gzhan yang gdan sa dang gong dkar bcas la zla dus kyi mchod pa rgyun 'dzugs mdzad/ de mtshams dpal rab tu sku gdung zhugs 'bul grub nas gdung rus phal cher gdan sar gdan drangs par/ 'jam mgon a mes zhabs nyid kyis phyag tsha gnang ste gser zangs las grub dbang de nyid kyi sku 'dra sku tshad gcig dang / dngul gdung phal thog phyed gnyis yod pa bzhengs par mdzad de nang rten gyi gras su bzhugs su gsol/
me glang snron zla'i gza' tshes dge bar 'jam mgon a mes zhabs nyid rdo rje 'dzin pa sha stag gi 'khor dang bcas pas dgyes pa rdo rje la brten pa'i rab gnas rgyas par mdzad de sku tshab dbu rtse dang / dngul gdung bzhi thog rig 'dzin lha khang du bzhugs pa 'di nyid do/ /dpal rab tu rten rnying gras nas grub mchog nyid la yab rjes gnang ba'i mgon sku shel spyan ma 'jam mgon a mes zhabs kyi gzim chung rten gras su bzhugs pa