[A:284]'di dang / mgon brgyud kyi bris thang gras/ 'jam mgon a mes zhabs nas 'bul bar mdzad pa'i lam zab bla brgyud sa lo chen po'i phyag nas can/ 'jam mgon bsod nams dbang po'i thugs dam rten gras mgon thang lnga tshar/ de nyid kyi phyag sbug tshangs dbyangs bde chen chos 'khor grub dbang nyid kyi phyag sbug bka' brgyad ma sogs rol mo drag gras lnga tsam/ phyag dril dril smyon du grags pa sogs phyir 'khyar mi 'os pa kha shas gzim dpon rab brtan dang / dpon sa tshe brtan bu khrid gnyis kyis do dam byas nas slar gdan sa 'di nyid du phul ba yin no/ /
gzhan yang sku tshe 'di nyid kyi mdzad pa tha ma'i bar du mnga' ris gtsang dbus lho mon khams kong rgya sog yul gru mtha' dag pa rnams su/ chos srid stobs 'byor gyis che gnyen du gyur pa'i bla dpon rigs dang dmangs phal bcas skal ldan grags med pa smin grol la bkod pa dang / mchod sbyin gyi yul ris su med pa la zang zing gi dngos po lhug par rtsol ba dang / che gnyan nga rgyal gyis dregs pa'i sems brgyud zhe sdang gis kun nas dkrugs pas skye 'gro phal mo che'i lus srog longs spyod brlag par byed pa'i sde ris phan tshun 'khrug longs du ma bde 'jags su mdzad pa'i chos dang zang zing mi 'jigs skyabs kyi sbyin pa brjod