[A:285]kyis mi lang ba stsal ba dang / sa phyogs gar yang dbang bka' dkyil chog gtor mdos sogs gang btsugs kyang bstan pa'i mig rgyan du 'gyur nges kyi thig tshon bca' bzo dbyangs rol sku 'cham sogs gdan sa dang khyad med pa'i phyag len rnam dag rgyas spros kho na ma gtogs sla chos dang khungs med rtogs bzo sogs gtan nas mi mdzad pa dang / mtha' 'khob gdul dka'i 'gro ba rnams kyis kyang gang gi zhal mthong gsung thos tsam gyis rnam par thar pa ngo mtshar ba dang thugs rje chen po'i rgyud bskul te rtse gtsig tu gus pa lta bur byed pas rgyal bstan rin po che phyogs mthar rgyas pa'i gzhir gyur pa dang / bka' dbang khrid lung sogs gang gi skabs kyang me tog gi char dang 'ja' 'od kyi gur ni phal che bar 'byung zhing / drag gtor zor mdos sogs kyi skabs su'ang mngon spyod kyi thebs rtags mngon gyur mthun grub sha stag yong zhing / gdul bya yul dman pa gang gis kyang dad pas gsol ba btab phyin byams dang snying rje tshad med pas rjes 'dzin rkyen sel gang 'dod bzhin shar mar gnang ba sogs 'phags pa mchog gi rnam thar so skye'i blo yul las 'das pa dag da lta thun mong phyii'i rnam thar mdor bsdus phyogs mtshon tsam rje nyid kyi gsung la sgro skur dbri bsnan med par brjod pa ste/