[A:286]gzhan du 'bras bu nye rgyu'i lam la brten nas lhan rgyas kyi bde ba lam du mdzad pas sku tshe 'di nyid kyis rdo rje 'chang chen po zung 'jug kha sbyor yan lag bdun gyi go 'phang dam par gshegs pa'i tshul thun mong ma yin pa ni rje nyid kyis/ bde bas bde ba chen po kun/ /'khor ba'i sdug bsngal gcod byed cing / /mya ngan 'das pa'i go 'phang mchog /thob par 'gyur zhes rgyal bas gsungs/ /zhes dang / bde stong lhan cig ye shes chen po'i nyams/ /bde ba bde drod me 'bar gtum mos smyo/ /de yang thabs shes zung 'jug chen pos smyo/ /zhes dang / dbab bzung bzlog dgram la sogs rlung dang sres/ /dga' bzhi'i ye shes mngon du gyur pa byung / /zhes sogs gsungs pas rgyud sde'i dgongs pa lon pa rnams kyis phal cher rtogs pa nus shing / zhib par bkod pa ni 'dir skabs su ma bab la/ zhing 'di'i bkod pa bsdus 'phral dag pa ye shes kyi sku slob dpon chen po dang dbyer med du bzhugs pa yang / dar mdor rjes mar phebs skabs kyi nyams dbyangs su/ zangs mdog dpal gyi ri bo cittar dran/ /skye 'chi gnyis spangs gu ru nus ldan dran/ /srin po srin mo lha yi gzugs can dran/ /dpa' bo mkha' 'gro du ma sprin ltar 'thibs/ /'on kyang rnam dkar bsam pa mthar phyin