[A:292]thugs nyams spyan ltas su shar ba mtha' dag dgongs pa gcig par mtshungs pa'i don hril gyis dril na/ lha rigs 'khon gyi gdung brgyud dri ma med pa phal che ba dag gi sprul gzhi 'jam dpal dbyangs kho na yin pa spyi khyab ltar la khyad par ston pa'i dus su rdzu 'phrul can gyi mchog 'phags pa maunggal gyi bu dang / de dang thugs rgyud gcig pa dge bsnyen litstsha bi gzhon nu 'jig rten thams cad kyis mthong na mngon par dga' ba dang / de rjes rgyu 'bras bya rtsol las 'das pa rang bzhin rdzogs pa chen po'i bka' bab gsum pa rig 'dzin shI sidha dang / thugs rje chen po srong btsan chos rgyal gyi 'phrul blon mi bzhi'i nang tshan 'gar stong btsan yul bzung dang / gangs can bstan pa'i gzhi ma thub dbang gnyis pa mkhan chen zhi ba 'tsho dang / de dang thugs rgyud gcig pa dge bsnyen li tstsha bi'i skye sprul lo chen cog ro klu'i rgyal mtshan dang / de dag dang rgyud gcig rje 'bangs nyer lnga'i nang tshan mkha' la thogasamed rgyu ba sna nam rdo rje bdud 'joms dang / skad gnyis smra ba'i dbang phyug gyi jo zla ba'i 'od zer dang / lo chen cog ro de nyid la slob dpon padmas khyod ma 'ongs pa na sa zhes bya bar rnal 'byor pa bsod nams rtse mo zhes bya bar 'gyur ro zhes pa ltar slon dpon rtse mo'i zhabs dang / slob