[A:293]dpon 'di nyid 'di'i gong du 'phags yul du paN chen mi thub zla ba sogs pa paNDi ta bcu gcig tu skye ba bzhes pa dang / yang sgo mtha' yas pa yin pa ltar na rje btsun rin po che yang yin pa'i phyir sku mched thugs rgyud gcig pa dang / mkhan chen bo dhi sa twa'i rnam sprul dpal ldan bla ma dam pa bsod nams rgyal mtshan dang / chos srid 'phrin las gyis mnga' bdag 'khon ston theg chen chos kyi rgyal po dang / rig 'dzin shrwi sidha'i rnam 'phrul rang gzhan grub mtha'i pha rolatu son cing rdzogs chen snying tig gi bka' bab bsam yas pa ngag gi dbang po'am kun mkhyen klong chen rab 'byam pa dang / sna nam rdo rje bdud 'joms kyis yang srid rje btsun sa skya pa'i bstan pa'i srog 'dzin gong dkar rdo rje gdan pa kun dga' rnam rgyal bzang po dang / dri med thub stan smra ba'i khyu mchog 'jigs bral go ram bstan pa'i nyi ma bsod nams seng ge dang / lo chen cog ro'i skye brgyud lung rigs smra ba'i dbang po mang thos klu grub rgya mtsho sogs rim brgyud sku phreng snga phyi dang / sku dus mnyam par thugs rgyud gcig pa'i rnam 'phrul 'gog med yab rje sbas pa'i sangs rgyas grags pa'i mtshan can sogs mkhas dang grub pa sha stag tu byon pa de dag so so'i 'khrul spong lung khung shes byed bcas zhib par mkhan chen