[A:297]med ma/ birwa pa/ zhes sogs sngags 'chang chen po'i bar yongs rdzogs rim pas 'doms par mdzad pas thams cad shin tu ngo mtshar zhing gsung ngag zab mo'i bka' bab ltar du yid ches pa byung / yang de skabs gzhan zhig tu sa paN gyi rnam thar zhal thang la'ang chos rgyal ma zhal 'don gnang ba dang bstun so sor ngo sprod stsal ba sogs sku na shin tu phra yang mkhyen rab ngo mtshar ba'i rnam thar gsal ba dang / thugs zab cing sgam la dul ba dang / mang po'i tshogs dbus su gsung mi rtab par bag yangs lhod por gnang ba sogs blo chen rgan po'i ngang tshul 'chang bas thams cad kyis 'di ni 'jig rten gyi a mes chen po zhig go zhes bsgrags pas a mes zhabs su grags/
dgung lo drug tu phebs pa dge byed ces pa chu pho stag gi lo gsar dang khad nyer yab rje sku mched bka' bgros kyis rgyal sras dam pa sku mched gsum ga khri 'don gyi sgo shar bas/ dus mdos chen mo yang gzab spros rgyas pa'i lugs su gnang / de mus cho 'phrul zla ba'i yar tshes bcu gsum gyi nyin gzhis byes kyis bla ma grwa rigs ngur smrig 'chang ba khri phrag tu nye ba dang / dad 'dus mchog dman gyi skye bo pho mo gzab 'phyor bcas kyi dbus na mchod pa'i yo byad du ma dang zhabs rim chas gzab mtshar du