[A:298]dngar ba dag gis mdun bdar bzhin pas/ sku mched gsum po bgres rim gyis chos kyi khri 'phang ga la bar phebs te bzhugs par/ gsung chos dngos gzhi nyin gsum ga gcen sku bgres rje btsun mthu stobs dbang phyug zhabs nas gnang ba'i chos mtshams rnams su/ phyogs mtha'i che gnyen dmangs phal bcas kyis khri ston legs 'bul blo'i ra bar mi shong ba phul/ nyin gsum pa tshes bco lnga la yab rje rin po che nyid nas sbyin bdag gi tshul gnang ste 'jam mgon ngur smrig bzhes pa bsod nams dbang po'i zhabs tshogs dbur spyan drangs pa dang bcas khu dbon bzhi ga bzhugs khri gcig la bzhugs nas chos 'khor thog mar bskor ba'i legs mdzad des bstan 'gro spyi'i phan bde gong 'phel du 'gyur ba dang / skabs de'i 'brel thogs rnams kyis dge rtsa rdzogs byang du bsngo ba'i bden tshig rdo rje'i smon lam dang phyogs kun tu bkra shis kyi me tog sil mas khyab par mdzad/ gzhan yang de skabs kyi zang zing gi dngos po phal che ba zhig de 'phral nas mchod sbyin gyi yul so sor dga' ston du stsal ba sogs gangs can gyi ljongs su rdzogs ldan gyi nyi ma ring du shar ba mdzad pa yin no/ /de skabs nyin rjes ma'i gsung bsngo'i mjug tsam la rje 'di nyid nas nges 'byung gi rnam pas spyan chab dang bcas 《299"/>a ne a ne zhes btud mar gsungs ba zhig byung ba phyis su rtog dpyod byung tshe mnga' ris gong ma'i khri lcam rin chen bu khrid zhes sngags 'chang chos kyi rgyal po'i sras mo rje 'di nyid kyis a ne drung gshegs pa dang dus 'grig pas kun ha las par gyur to/ /
de nas lo ngo gnyis kyi ring la rgyud gzhung mang po zhig thugs 'dzin dang / rdo rje phur pa'i cho ga'i khrigs kyi dbyangs rol bris thig sogs la byang chub par mdzad/ skabs shig sku khams cung ma bde ba'i tshe mnal lam zhig tu bud med dmar smug 'jigs gzugs lcags kyi sbar mo can zhig gis 'ded pa'i thugs snang byung bar/ rje nyid ring stabs su bros phebs pa'i skas zhig 'dug par 'dzegs phebs te thog mkhar phebs dgongs pa dang / bud med de'i zin la nye ba'i mtshams/ skas mgo de nas mi bong che ba zhig gis phyag nas 'then te bde bar phebs pa zhig byung ba/ dmag zor ma'i cho 'phrul zhig tu 'dug kyang rigs kyi srung ma gzhan gyis bar gcod srung ba'i ltas bzhin bsnyun yang seng dngas byung /
dgung lo bcu pa la 'jam gon bsod nams dbang po phu ri nas spyan drangs te/ yab sras bzhi gas gtsos chos sde lho byang