[A:300]gi dge 'dun pa mang rab dang bcas la sgrub thabs brgya rtsa/ sa lo dang / sngags 'chang chen po/ bsod nams dbang po nyid bcas kyi bka' 'bum rnams dang / rtsa rgyud 'phags chen bcas kyi lung sogs rgya cher gsan/
dgung lo bcu gcig pa spre'u zhes pa me lug lor 'jam mgon dbang po'i zhabs kyi drung nas rgyud sde rgya mtsho'i yang snying gsung ngag rin po che lam 'bras bu dang bcas pa gsan bzhed kyis yab sras bzhi ga chibs bteg te byas 'gyur du phebs/ lo de'i dbo zla'i tshes brgyad nyin chos thun dbu tshugs par nam mkha' la 'ja' gur sum tshom gyi dbus su rje btsun dkar po rnam gsum bzhugs pa yab sras thun mong gis gzigs pa dang / me tog gi char sogs dge mtshan brjod du mi langs pa byung / de skabs bdag med lha mo bco lnga'i dbang bka'i sta gon gyi nub yab rje nyid kyi mnal lam du rgyal yum bkra shis dpal gyi bu khrid de nyid khri mthon po zhig la bzhugs nas yab rje nyid sogs slob tshogs mang por chos 'khor yun ring skor ba zhig mtshan lam du shar bas phyir nang snga mor rje 'di nyid yab kyi drung du phebs ma thag nged la mdang sum rmi lam ngo mtshar ba byung / sngags 'chang chen po de nyid kyai rdo rje dang / rgyal yum de nyid bdag med ma