[A:303]'di'i che ba ston byed ltar du gzim chung theg mchog yang rtser mdzad yod pa'i steng la/ rbab mi tshad tsam zhig 'ur sgra dang bcas phog par/ yab rje sogs kyis gsan pa dang thugs shin tu zhed nas rje 'di bzhugs sar phebs par/ rje nyid thugs g.yo med du bzhugs 'dug pa'i sku la nyams nga lta ci/ gzims khang gi dral lcam la yang skyon ma dmigs pas yab rje 'khor bcas thugs ngo mtshar ba mdzad pa sogs drod tshad can gyis dus grangs mtshan ma'i bsnyen pa kha skong sbyin sregs dang bcas gegs med phun tshogs su grub nas slar yang gdan sar phebs/
dgung lo bcu bzhir son pa thun mong zhes pa lcags khyi lor nges 'byung gi dgongs pa brtan po thugs la 'khrungs te thog mar 'jam mgon sa skya paNDi tar bzhed don gegs med 'grub pa'i gsol 'debs dngos grub mchog stsol zhes pa gsung rtsom gyi thog ma de nyid gnang nas rim gyis lo de nyid kyi zla ba gsum pa'i dkar phyog tshes dus legs par dpal sa skya'i dbu rtse rnying ma'i gtsug lag tu sngags 'chang chos kyi rgyal po'i sku gdung gi drung / bdag nyid chen po sa paN gyis gtsug phud phul ba'i ston pa'i sku brnyan gyi spyan sngar/ yongs rdzogs bstan pa'i mnga' bdag 'jam mgon byams pa dpal ngag dbang bsod