[A:304]dbang po las so thar dge bsnyen dang dge tshul gyi sdom pa tshul bzhin du bzhes par mdzad do/ /der 'jam mgon dbang po'i zhabs nas legs so'i gnang char rten gsum du ma dang mar me sbar ba dung gcig gzhan yang zang zing gi dngos po rgya chen po rnams gnang nas dung de bus shig phebs par de bzhin mdzad pas skad che bar thon pa sogs rten 'brel de rnams kyis brda' don ni phyis su rje 'di'i bstan pa rin po che ches cher gsal bar mdzad pa'i mthus mkhas btsun bzang gsum gyi grags snyan rgya mtsho'i gos can khyab pas ris bral skye rgu'i bla mar 'gyur ba'i dge mtshan dang / sngags 'chang chen po'i sku gdung gi drung du rab byung mdzad pa ni slar gangs can phan bde'i rtsa lag tu gos dkar lcang lo'i brtul zhugs bzhes dgos kyi mtshan mar gsal lo/ /
de mtshams re zhig nas 'jam mgon de nyid dang rje 'di sku mched bcas khu dbon bzhi gas bde mchog pho brang du yab chos rdo rje phur pa'i gsung bsnyen mthar phyin gnang / de dus rje 'di'i mnal lam du lha chen lcags ri la zhabs skor mdzad cing 'dug par lho lcog gi thad mdun phebs skabs lha khang bla brang gi ngos la 'ja' 'od kyis dbus su thub dbang gnas brtan gnas