[A:317]mgon dpa' gcig sna tshogs yum/ ri khrod lo ma gyon ma gsum gyi rjes gnang dang / sngags 'chang chos kyi rgyal po'i na bza' dang bcas tshogs pa thams cad la byin rlabs mdzad pas dgon pa'i 'brum nad rbad chad cing / de skabs su na ba rnams kyang thar bar gyur pas/ rta mo lung pa dang / skyer pa sogs su'ang spyan 'dren zhus pa ltar khrom dbang mdzad pas nad 'phro chad cing na mu las thar ba sogs ya mtshan dpag tu med pa byung /
de nas yun mi ring bar byang pa chos rgyal ngam ring du phebs nas khyab bdag mus pa chen po dang rje 'di nyid yab sras lhan cig ngam ring du phebs dgos kyi snyan gsol bskyar ma byung bar/ rje'i zhal nas/ kho bo tshe mjug 'dir bsgrub pa rtse gcig tu byed pa 'di bzhag nas rgyal po rnam thos sras kyi spyan 'dren byung yang mi 'gro ba'i blo thag bcad pa yin pas/ sde sris kyis zhus pa bzhin khyed dpon slob phebs la bstan 'gro'i don rgya cher mdzad dgos gsungs pa bzhin zhal gyis bzhes te phebs bsu cha ba'i tshe dpon slob gnyis ka gzim chung du phebs te mthar thug snying po'i nyams len rgyud sde'i gnad 'gag du ma zhig lhug stsol gnang bas/ rje nyid kyis thugs la tshe 'dir gdams ngag 'di rnams bsgom nas grub rtags thon pa byed dgos snyam pa