[A:318]'khrungs/ de rjes brgyud pa'i byin rlabs dang chos srung la bka' bsgo spyi sger gyi bslab ston phun sum tshogs pa stsal te 'bral mi phod pa'i dad spro dang thugs brtse'i ngang nas chibs bteg te/ ya ma bde ldan dang / rdzong dga' ldan rtse gnyis su zhag shas re bzhugs nas dge 'dun rnams la 'dod chos re skong du stsal/ mus gnas gsar du yar rgyab dpon chen dang / mdog lhun sdings su sku zhang gdong kha bas spyan drangs ngor so sor phebs te tshe dbang rjes gnang sogs rkyen sel gyi chos bka' legs par gnang / bsnyen bkur 'bul nod phun sum tshogs pa byung / de nas kyang mdog gzhung gi lu phu/ sgyi chu/ gzhis dgon/ ya ga chos sdings rnams su rim pas phebs te bla ma grwa rigs rnams kyii 'dod mthun dbang bka' rjes gnang sogs re ba khengs par gnang / ngam ring du rje btsun ngag dbang chos 'dzoms dpon g.yog sogs la chos kyi 'khor lo bskor rjes/ skya bo kha gdangs su phebs te mi dbang chos kyi dbang phyug de nyid la tshe dbang rigs mi gcig pa brgya tshar du ma dang / rgyal sras lam bzang sogs dbang lung du mas smin grol gnang tshe chos rgyal de nyid kyang dad spro gting nas g.yos te bsnyen bkur 'bul ba rgya chen po dang bcas da dung gdan sa zhal ngo rnams dang / mus chen sogs