[A:342]dgung lo nyer bzhi lcags spre lor mus su chibs bsgyur te/ rje btsun mus pa chen po'i nang rten phyi rten thams cad mjal zhu mdzad/ dkar me snyan shal gsol 'debs smon lam shin tu smin par bstsal/ 'dus tshogs la'ang mang ja gral 'gyed dang / der tshogs la rjes gnang zur bka' bcu phrag sogs chos kyi bka' drin yang mang du bstsal rta mo bde legs su phebs/ de phyogs sngar sor ser ba shin tu sdang bar rje nyid nas spyan dmigs srung 'khor gnang bas de phyin lo gsum la ser ba gtan nas ma byung / de nas ya ma bde ldan dang / rjong dga' ldan rtse sogs kyi grwa tshogs la mang bskol dang chos bka' ci rigs par stsal/ smon 'gro nas lha lcam gyis spyan drangs pa bzhin phebs/ tshe bka' brgya tshar sogs kyi rjes 'dzin gnang ste gdan sar phebs/
'di lo hor zla bzhi pa'i tshes bco brgyad kyi nub mo gcen rin po che kun dga' dbang rgyal glo bur du zhing brjes pa'i thugs dam gsal 'debs su rje nyid rdo rje 'dzin pa brgya phrag gi 'khor dang bcas pas kyai rdo rje'i rdul tshon gyi dkyil 'khor bzhengs te sgrub cing mchod pa dang / gzhan yang chos sde nye 'gyangs mang por mang 'gyed rgya chen/ khyad par 'jam mgon bsod nams dbang po gdan drangs pa dbur bzhugs kyi gzhis byes kyi dge 'dun khri