[A:344]rgyal sras mchog gi thugs stobs 'khur chen bzhes te ji ltar zhus pa bzhin zhal gyi bzhes/ lo khong 'dir dbu rtse rnying ma'i 'jam dbyangs gzi 'od 'bar ba dang / sngar rab byung bzhes dus dbu gtsug phul ba'i thub dbang rdo rje gdan chung ma gnyis stabs gcig tu bzhugs pa'i drung du mchod pa rgya chen po bshams te bslab pa 'bul chog tshul bzhin gnang nas yongs rdzogs rdo rje dge bsnyen 'dzin pa'irtul zhugs bzhes nas bzung phyis byung sa skya pa'i bstan srid yar zla ltar 'phel ba 'di byung ba lags/
de nas dgung lo nyer drug bzhes pa chu khyi lor mi dbang karma bstan skyong dbang pos pho brang chen po bsam 'grubartser spyan drangs/ rje 'di nyid nas kyang mi dbang de nyid rgyal sar 'khod nas chos 'brel zhus pa'i thog mar yin pa'i rten 'brel la dgongs te gser zangs kyi rgyal srid sna bdun khyad mtshar sogs legs skyes rgya chen pos mnga' dbul gyi tshul dang / dpon slob lnga bcu tsam gyis rdul tshon la brten pa'i phur sgrub gnang zhing / mi dbang chen po drung 'khor bcas dang sku rim pa'i dge 'dun brgya phrag la rdo rje phur pa'i smin byed dang slar yang chos rgyal 'khor bcas la tshe bka' sogs 'dod chos legs par stsal/ sku chas phod ka 'brug ris can sogs zang zing gi 'bul ba bsam