[A:345]gyis mi khyab phul/ yar lam dar lung du byon te gsung bskang rgyas par gnang / de nas gdan sar phebs te lo star gyi phur sgrub mdzad/
de lo zla ba dgu pa'i nang shar kha mi dbang bsod nams dbang po'i sde dang / de'i sras chos rje ngag dbang bsod nams rgyal mtshan pa sogs mi chen du ma chos sde lho byang gi dge 'dun du ma bcas mang ba la gsung ngag zab mos khrid rim cha lag man ngag rgyab chos lung dang bcas pa zla ba gsum gyi khongs su smin rgyas su stsal/ de skabs mnal lam zhig tu/ 'jam mgon bsod nams dbang pos gur mgon gyi dkyil 'khor du ma'i dbang bskur rnams dus gcig tu stsal ba shar bas bla ma dang chos srung dgyes pa'i rtags mtshan ngo mtshar ba dang / khyad par sems bskyed chen mo'i nyin 'ja' 'od kyi gur dang me tog gi char soT mthun grub tu byung /
'di lo bya yul lo dgon pa nas spyan snga kun dga' don grub nyid rje 'di nyid dang gdan sa chen po'i gnas rten mjal bzhed yod thog rje 'di nyid nas kyang gdan 'dren mdzad pas phebs te gsung chos tshad med pa gsan pa'i tshe dpal mgon zhal gyi rjes gnang bram ze mngag gtad gsan pa'i nub mo mnal lam