[A:355]'bul/ de nas gdan sa'i phur sgrub la phebs/ rtse gdong nas bdag chen sku 'bring gdan sar phebs pa'i zhabs 'bring thub bstan mkhan chen ngag dbang bstan pa'i zhabs rdo rje bcas 'byor/ khong dpon slob rnams la rdo rje phur pa'i dbang nag po rim bzhi'i khrid sogs bzhed chos mang po gnang /
dgung grangs so lnga pa lcags lug lor sku khrag rgyas pa la/ tshal gtar 'gyangs pa'i rnam pas snyun gzhi shin tu thu ba zhig byung bar sku rim zhabs brtan du chos sde lho byang gis gtsos pa'i dgon gnas ris med du mang 'gyed rgya dpang shin tu che bas phyi nang gi phyag rdzas spong dag lta bu gnang ba'i 'bras bus/ tshal gtar sogs kyang rim 'phrod kyi skabs mnal lam zhig tu 'jam dbyangs gzi 'od 'bar ba rgyun gyi gser zangs kyi mdog 'di ma yin pa'i gur gum gyis byugs pa lta bu'i gser mdangs shig gzigs pa des rje nyid la mchog tu brtse ba'i nyams kyis sku la 'khyud pa mdzad byung bar rje nyid kyis kyang dad pa'i sgo nas phar sku la 'chang nas gsol 'debs mang du mdzad pa zhig byung ba nas sku khams kyang dwangs skyed che bar byung / skabs de'i dga' ston dang slad kyi sku rkyen sel phyir skya ser khri phrag longs par sbyin gtong bla na med par mdzad/ de nas sngon rje btsun kun dga'