[A:356]grol mchog gi thugs dam ma/ gtso bsdus bris thang rnams gzigs pa'i rkyen byas te 'di gong dgung lo so gsum lo gzhug tsam nas dbu btsugs te gtso bsdus zhal thang sum cu rtsa lnga gzab bkod sgrub par mdzad pa/
dgung grangs so bdun thog grub par rab gnas smin rgyas gnang skabs ngo mtshar ba'i ltas du ma byung /
dgung lo so brgyad shing khyi lor dpal rab nas grub mchog mthu stobs dbang phyug spyan drangs de dang stabs gcig spyan snga rin po che yang phebs/ rje nyid nas grub dbang de nyid kyis gsang yum nam mkha' sgrol ma dang/ rnam rab nas chos rje'i drung lcam sring gnyis sogs gzhis byes mang por gsung / ngag rin po che bka' drin stsal rjes/ spyan snga rin po che las sngar ma gsan pa'i rnying ma'i zab chos 'ga' zhig sogs chos tshul mang du gsan/
dgung lo so dgu pa/ shing phag lor khams phyogs kyi 'bul dpon pa sogs bla slob grwa rigs mang por sgrub thabs rgya mtsho'i rjes gnang yongs rdzogs sogs gnang/
dgung lo bzhi bcu pa me byi lor bsam 'grub rtser sde srid kyi sku rim ser tshogs lo star yod pa'i 'di lo'i tshogs dbur rje