[A:381]tu/ yab rje rin po che'i phyag tu srog chags sdig pa zhig bsnams 'dug pa de dang lhan cig sdom kha brgyad sogs srog chags ma rung ba du ma zhig me la btab song ba dang sngog dud kyis lung pa khengs shing / me de tshom bar gyi mgon khang du skyol cig gsung ba zhig byung ba/ snga phyi'i mnal lam gyi 'bras bu/ lho bod bde thabs dge 'brug 'ching 'doms bsgrub dgongs pa la log sgrub rnams bla ma lha yis bsgral ba'i rtags mtshan ngo mtshar ba'o/ /
de mtshams spa gro nas mkhan rin po che sku khams ma bde bar rten sku tshab gdan sa nas chos las pa bsod nams bkra shis yong dgos pa'i bka' shog gnang ba bzhin zhabs drung du 'byor 'phral gsungs las/ nged kyi rmi lam gyi dbang du song na/ lho bod kyi chings 'dum legs pa zhig 'ong ba yod na'ang sngar phan dge 'brug gnyis ka nas lab sne len pa zhig ni ma byung / spa gro nas mkhan chen 'dir 'byor ba dang bstun/ nged kyang na ring rdzong chung dgon par lus kyi 'tsho skyong dang / brel ba 'ga' zhig gcod par 'gro dgos pa 'dug cing / slar skabs bstun lho nang rang la 'gro dgos 'dug pas/ da ras nas bzung las chen pa rang mgo mjug tshang mar 'gro dgos pas 'jags par gyis zhes sogs gsung shin tu brling ba mang po bstsal/ de nas