[A:382]zla ba bcu gnyis pa'i nyer drug la mkhan chen yang zhabs drung du 'byor bstun/
dgung lo re gcig pa me bya zla ba dang po'i tshesabargyad la chibs bsgyur na ring rdzong chung du phebs nas zla ba gnyis nyer bzhugs/ de phyogs ser skya khrom tshogs la dbang bka' dang / rags dus sger pa du mar dbang 'khrid chos bka' skal ba dang 'tshams par gnang / de skabs byang nas bdag po rin po che zhabs brtan 'bul du 'byor bar gsungs pa las/ nged rang rang lo'i thog yin kyang dog cha med/ mkhan chen la sku rkyen che tsam 'dug gsungs/ de mtshams sngar gyi gsung 'phros bzhin/ 'gro ba nyams thag gi ched du nag zla'i tshes bcu gnyis la na ring nas chibs bteg ste/ phag rir zla ngo tsam bzhugs nas/ lho bod rdzong sgar so sor chings 'dum gyi bskor yang mdzad kyang / sne len zhig ma byung bar slar zla ba bzhi pa'i nang dpon slob rags bsdus spa gror phebs pas bod dmag 'dzin cha ba rnams srog rnyed pa lta bu'i dga' spror gyur/ spa gro'i mthil gyi bod dmag rnams sa dug dang / tshad nad rims du mas sdug bsngal bar gyur pa'i tshe/ rje nyid nas sku 'khor rnams la nang re bzhin ljags chab bstsal bas nyes pa gtan nas ma byung zhing / dmag