[A:38]'dzugs pa dang/ bdag chen nyid la sogs pas dpal sa skya pa'i yab chos kyai rdo rje man ngag lugs kyi sgrub mchod dang/ rdo rje phur pa dang chos skyong gur zhal la sogs pa'i mchod gtor gyi rnal 'byor gyi rgyun 'dzugs pa la sogs pa'i zhal bkod dang mthun rkyen mdzad cing/ 'jam pa'i dbyangs kyi gdung rabs kyi phreng ba ji snyed pa 'byon pa'i gsol gdab dang rten 'brel mdzad pa la brten nas/ shing mo sbrul gyi lo la dpal ldan sa skya paNDi ta gnyis pa mkhyen rab kyi dbang phyug dpal sa skya lo tsA ba chen po 'jam dbyangs kun dga' bsod nams grags pa rgyal mtshan dpal bzang po byon/ bdag nyid chen po 'di'i rnam par thar pa ngo mtshar ba ni/ ngo mtshar rin po che'i bang mdzod du gsungs pa bzhin yin lags/
de'i gcung bdag chen rin po che ngag gi dbang phyug grags pa rgyal mtshan dpal bzang po ni me mo lug gi lo la 'khrungs/ sku gzhon nu nas thugs rje che zhing thugs rgyud dul ba ngo mtshar ba zhig byon pa des/ yongs 'dzin dam pa dkon mchog 'phel/ mkhan chen bsod nams lhun grub/ mus chen sangs rgyas rin chen/ kong ston dbang phyug grub pa/ zhwa lu lo chen rin po che chos skyong bzang po/ gcen sa lo tsA ba 'jam dbyangs kun dga' bsod nams