[A:3]'di yan bon lugs rjes 'brangs yin nam snyam/
de dang rlangs bza' ne chung ma yi sras/
klu dbang gcen dang rdo rje rin chen gcung/
phyi ma'i lcam mo 'gro bza' g.yang len skyid/
bzhes par sras bdun byon pa'i gcen drug las/
che ba mang yul de 'og gung thang dang/
de 'og srad dang de 'og gnyal lo ro/
de 'og myang shab byon las so so ru/
sku brgyud 'phel yang 'di yin ngo ma shes/
bdun pa'i sku brgyud ma 'khrigs sde gsum grags/
drug pa shes rab yon tan g.ya' lung bzhugs/
sras gnyis chung ba khab so stag byon las/
la stod byang gi 'khon tsho 'phel zhes grags/
che ba yon tan 'byung gnas sras gsum gras/
tshul khrims rgyal por sras gsum bar pa ni/
brdal gyi chang tshang byon zhing thog mtha' gnyis/
g.ya' lung bzhugs pa'i che ba gtsug shes la/
sras bdun gcung bcas 'khon tsho brgyad ces grags/
bdun pa'i lnga pa dge skyabs shab tu byon/
sras gnyis byung ba'i gcung las shab stod kyi/
'khon tsho gyes shing gcen po dge mthong sras/
bal po de sras shAka blo de yi sras/
gcen yan 'khon gyi gdung rabs snga 'gyur bdag
dpal po che nas shes rab tshul khrims bar/