[A:4]dbu bla ma nges 'on kyang klu dbang mched/
mkhan chen zhi ba mtsho dang slob dpon che/
padma'i zhal slob yin cing de dus kyi/
mkhas grub gzhan yang yod mod 'di yin ces/
gsal ba'i lo rgyus kho bos sngar ma mthong/
phyi ma shing khyi re dgu chu rtar gshegs/
yab dang gcen po khyin lo 'od snang dang/
bla chen shAkya ye shes bse kun rig
'gos lo bsod nams rtse mo auTyan gyi/
paNDi shes rab gsang ba rma lo tsA/
mal lo ba ri kha'u sku mched dang/
'khon ston sgyi chu skyu ra a seng sogs/
dam pa rnams las gsan pa'i pha rol phyin/
bzhi bcu'i dgung lon rgyal bstan lnga brgya pa/
phrag bcu'i bdun pa mngon dus lnga brgya las/
nyis brgya bdun lon chu glang khrums zla'i 'gor/
sa dpyad gzigs nas gzim spyil dkar po btabs/
gu ru zhang mor lnga bcu nga dgu'i lo/
chu spre sa chen kun dga' snying po 'khrungs/
re bdun sa stag gshegs de'i dbu bla ni/
'jam dbyangs sgrol ma mi g.yo birwa pa/
nag po gha ya nags khrod ko tra li/
yab dang ba ri lo tsA dar ma snying/
byang 'chad khyung dang khyung gzhan rin chen grags/
me dig lhang 'tsher kha'u chos rgyal mtshan/
sgyi chu dgra lha 'bar dang mal lo tsA/
spu hrang lo chung skyu ra a skyabs dang/
padma shrI dznyA na badzra dang/