[A:415]stug po bkod par rdo rje 'chang chen po: rdo rje gdan du thub pa chen po nyid: gnyis med padma nga ru lhun gyis grub: ces rdo rje 'chang du dngos bstan la/ rdo rje 'chang dang rdo rje sems dpa' phyag rdor rnams ni ye shes gcig nyid yin pa/ rdo rje sems dpa' sems dpa' che/ /rdo rje de bzhin gshegs pa kun/ /rdo rje dang po kun tu bzang / /phyag 'tshal phyag na rdo rje la/ /zhes sogs kyis gsal ba ni 'phros tsam dang / gzhan yang rje de nyid kyis dge sdings su zha lu mkhan chen las gsung ngag rin po cher gsan skabs/ nged sa skya'i bzhi thog gzim chung dugacig pur bsdad pa las/ 'dir gcig pur bsdad pa blo bag phebs shing kha ton 'phel ba dmigs pa gsal ba sogs yong gi 'dug pa snga sor 'dir sdod yun ring ba yin pa 'dra zhes dang / yang nyin gcig sngo mo nged kyi sbyor drug bsgoms dus kyi gzim chung gting ma gi na yod pas gnam sgo 'di phye dang nged rang rnams lta bar 'gro gsungs pa bzhin mdzad pas/ gzim chung sgo byang bstan zhig gi shar lho'i sbug zur na gzim mal skyor bcas sogs ji lta ba 'dug pa yang sngar phan gzhan la rgyus med cing / sku nyid gtan nas phebs 'grul ma myong bar sngon gnas rjes dran gyi zhal bzhes khyad par can sogs mdo tsam brjod nas/ sku tshe 'di