[A:416]nyid kyi rnam thar thor long ni/ yab rje rdo rje 'chang de nyid kyis sde pa lhun rtse ba'i rus brgyud tsha shood mthong smon pa'i rigs skyes bkra shis dpal gyis bu bskyed ces pa khab tu bzhes par gdung gcig phebs pa sku phra mo nas gshegs/
phyis su 'bro'i sngags 'chang 'jigs bral zhes brtul bzhugs grub pa de'i sras mo ma gcig o rgyan skyabs ma bzhes par yab rje rin po che dgung grangs zhe gcig bzhes thog rje 'di nyid rgyal yum de nyid kyi lhums su zhugs pa nas yum nyid kyang dus rgyun chos skyong rnams dang 'bral med yod snyam pa'i 'jigs snang dang spro sing nge ba bag dro ba rgyun chags su byung zhing / yab rje'i mnal lam du'ang / dar 'phyar/ dung 'bud/ rol mo 'khrol ba sogs dge mtshan du ma dang / 'gro mgon sngags 'chang nyid kyang sku srung la rgyun gnas kyi skabs mnal lam zhig tu mi ras gos dkar po can rakSha'i phreng ba thogs pa zhig thal gyis byung nas/ sa skya par gdung 'byon par yod do/ /'gro mgon ni lhag pas khyer song ngo zhes pa zhig byung ba dang / rtags mthong mkhan gzhan la yang gdan sa'i thad kyi nam mkhar chos dung zhig yang yang 'khor ba mthong ba sogs ngo mtshar ba'i ltas du ma rgyun chags byung ba bzhin du yab rje rin po che dgung grangs zhe gnyis pa 'bru