[A:418]gsungs pa sogs rigs kyi srung ma dang 'bral med du bzhugs pa'i ngo mtshar dang / dgung grangs brgyad par kyai rdor dkyil chog thugs su chud/ dgu par yab rje dang lhan cig phur sgrub chen mor phebs/ rim gyis cho ga phyag len dbyangs rol gar 'chams sogs la byang chub par mdzad/ yab rje rin po che las sa skya pa'i yab chos yang phur bde kyai sogs yi dam chos srung bcas pa'i dbang lung man ngag phal cher gsan/
dgung lo bcu gnyis tshun snga phyir de dag gi dkyil chog gtor sgrub mdos bzlog sogs phyag len phra mo tshun la byang chub par gnang / bcu gsum par yab rje rdo rje 'chang las gsung ngag rin po che lam 'bras bu dang bcas pa'i smiin grol slob bshad lugs lam skor phyi ma brgyad snyan brgyud man ngag gis rgyan pa rgyab brten lung gi rigs mtha' dag dang bcas par gsan/ phyis su dgung grangs nyer gnyis par rigs sras 'jam pa'i dbyangs dang lhan cig par yang gsung ngag rin po che bskyar ma gsan pa yin no/ /
dgungs grangs bcu bzhiir son pa lcags yos gsar tshes kyi thog chos kyi khri ga la bar chos kyi rgyal por mnga' gsol ba'i sgo shar nas dus mdos chen mo yang rgyal zla'i mjug tu bsring ste