[A:417]mang zhes pa sa stag hor zla brgyad pa'i dkar phyogs kyi rgyal ba gnyis pa'i res gza' sbyin byed bla ma dang rgyu skar dkar po nam gru'i 'gyub sbyor phun sum tshogs par bzhi thog bla brang du gzugs sku'i nyi ma mngon du shar zhing / 'khrungs ma thag nas mdzes sku'i chas shas yongs su rdzogs pa dang / skye mched gsal ba sogs mi las 'das pa'i mtshan shin tu gsal bar/ yab rje nyid dang mkhan chen ngag dbang chos grags lhan cig pas tshe dbang rjes gnang bka' bsgo sogs zla shas bar nyin rar bzhin mdzad/ srung ma'i dbang po rnams la gtang rag dang / chos sde lho byang la mang ja 'dzugs par mdzad pa tshes brgyad 'khrungs jar grags pa da lta'i bar rgyun ma chad pa sogs dga' ston rgyas par gnang / sku cog la bzhugs nus tsam nas zhal gyi rtsa sngags ring thung gsung nyams mdzad pa dang / gsung mkhyen nas badzra gu ru/ kI la ya/ mgon po'i yi ge bdun ma sogs thogs med grol du gsungs/
dgung lo bzhi pa nas 'bri klog chos spyod sogs 'bul tshul zhus pa thogs med du mkhyen/ skabs shig sku gcig rkyang tshom dmar na bzhugs skabs shig tu sku rtsed gsung gleng mang du gnang bar zhabs phyi ba slebs ste gsung zla su yod zhus pas bzhugs khri padma can gyi g.yas phyogs su phyag 'dzub ker te pu tra pu tra