[A:423]nor bu sde gzar thug pas re zhig gsang rgya'i nas sku rim du kha g.yar ba'i ris med chos sder mang 'gyed rgya cher sogs dgongs rdzogs rten bzhengs dus dran gyi bar rmad du byung ba bsgrubs pa gong yab rje rdo rje 'chang nyid kyi rnam thar du gsal ba ltar dang /
dgungs grangs nyer bzhir phebs thog yab rje'i bzhed skong du dmigs sprul pa'i lha khang chen mo'i ldebs bris mthil zhal nyams gso sogs kyi dbu btsugs/ ldebs bris sngon ma tshang 'grig gsar bris kyi khar/ phyogs gsum char du yab rje rin po che'i sku brnyan thog tshad re dang / gzhan yang rnam rgyal brgya tshar sogs sangs rgyas byang sems bla brgyud yi dam chos srung gi sku brnyan shin tu mang ba bsnan par sku brnyan rnams la gser btul ma zho brgya lhag pa ljib gsol dang / bzhugs khri chen mo'i thad kyi ldebs bris la gtso bo 'jam dbyangs dang / sngags 'chang chen po gnyis la rnal 'byor dbang phyug gong ma lnga/ sa lochen bo/ yab rje rin po che/ rje nyid zhabs 'bring pa bcas dang / gzhan yang gdan sa chen por bsngags pa snyan ngag dbang po'i nyer 'tsho gdung rabs ya rabs kha brgyan/ yab rje rin po che'i rnam thar rags rim sogs gsar bkod dang / gzhan yang rgyug dra ko dra rdo gcal khyams stod sgo dmar g.yas g.yon gyi g.yab