[A:424]chos khri chen mo sogs dgung grangs nyer lngar phebs pa chu stag lo dbyar thog tu grub nas rab gnas gnang tshe me tog gi char mthun grub tu byung / bzo rig pa rnams la'ang gnang sbyin yid khengs pa dang bcas dga' ston nyin dam pa gong ma rgyas pa'i dngos grub rten 'brel bzang por glo bo smad nas dpon drung khro bo rnam rgyal dpon g.yog rnams kyis gser dngul brgya 'bul/ dar ras/ rta phyugs sogs 'bul ba bsam gyis mi khyab pa'ang 'byor/ ston mjug gzim chung rab gsal 'og gi ka rtsi gdung rtsi sogs tshon 'gyed dang / tshoms dmar gyi 'gag nas brtsams te g.yab skor gyi tshon rtsi/ sa chen phug dang phag mo phug gnyis la rje nyid de dag gi sku brnyan re las mchod rgyun sogs med par nyams gso rten bzhengs mchod rgyun phul phyin mdzad/ 'di lo gzhung sa nas lha sa gzhung gi mchod gzhis rnams kyang phyag 'byor byung /
dgung grangs nyer drug tu phebs par khams nas bo tshang dbon po kun dga' bstan 'dzin dpon g.yog gsung ngag rin po che zhu bar 'bul chen dang bcas 'byor ba dang mnyam du/ byams pa ngag dbang rnam rgyal/ rgyal rtse zhabs drung ngag dbang bsod nams rgyal mtshan sogs gzhis byes chos nyan sum brgya