[A:449]nas bka' chos gsan pa 'thad tshul dang / gdan sa'i mgon khang nye 'gyangs rnams su skyes chen dam pa dag chos gsung gsan la gegs 'tshe med pa'i 'phrin bcol can gyi snyan shal sogs dang lhan cig rje 'di nyid la gsung shog gnang bar/
ganggA'i rdul snyed las 'das rgyal rnams kyi/ /yon tan thugs bskyed drod kyis rigs kun bdag/ /gser sgong yongs smin sdee bzhi'i zhal sgo can/ /chos phung rgya mtsho'i 'byung gnas mes po cher/ /zhes rgyal ba thams cad kyi yon tan gcig tu bsdus pa las rje 'di byung ba dam chos kyi 'byung gnas yin pa dpe can dang / gser gyi sgo nga las tshangs pa skyes pa chu bo ganggA'i 'byung gnas dper bkod de ldan pa'i gzugs can gyi rgyan du mdzad pa dang /
nye ba'i char yang lha sngags ye shes kyi/ /gsang gsum mi zad rgyan gyi 'khor lo'i gar/ /'dzam gling skye dgu'i bsod nams mchod sde dung / /bsgyur 'di yid kyi kun dga' bskyed pa'i gsos/ /zhes nges pa lnga ldan gyi zhing du sku lha gsung sngags/ thugs ye shes kyi rang bzhin mi zad pa rgyan gyi 'khor lor bzhugs pa'i sprul pa'i snang brnyan rje 'di nyid kyi rnam par shar ba bsam pa rgya che ba'i rgyan/