[A:450]ring nas bdud bzhi'i dmag dpung mthar byas pa'i/ /mtshan dpe'i lang tsho bkra ba'i lus brtas par/ /bsnyun 'dri byis blor nges mod tshul bstan tsam/ /med de skal bzang lus can legs byas dpyid/ /ces sku khams rnyog pa med pa ya mtshan du ci zhig 'dzin te phung po'i bdud sogs thog ma nas bcom zin pa nyid kyis bsngags pa rgyu yis 'gog pa'i rgyan/
'di na phra mo'i na tshod zla tshes nas/ /thos bsam 'phel 'grib byed pa'i blo dman bdag /srid pa'i nyes skyon mthong bzhin chos brgyad gdon/ /snying btab smyon pa'i gar mkhan lta bur gnas/ /zhes rgyal dbang sku nyid thos bsam sogs 'phel 'grib byed pa zla ba dkar nag gi phyogs kyi dpe gzugs can dang / srid pa'i nyes skyon mthong yang 'dor ma nus pa smyon pa lta bu zhes dpe rgyan sogs rgyan 'dres pa rab spel du mdzad nas rang nyid dman sa 'dzin pa dam pa'i rnam thar dang /
'od gsal lha rigs tshangs pa'i ral klung nas/ /'jam dbyangs thugs rje'i yan lag brgyad ldan chab/ /gangs can bstan pa'i khyab 'jug zhabs bsil du/ /chad med lung rtogs rgya mtshor 'khyil pa rmad/ /ces 'jam dbyangs 'khon gyi gdung las rje 'di nyid thub bstan lung rtogs kyi dpal du byon