[A:44]skya ser byings kyis ser phreng phebs bsu sogs rgyas pa dang/ khyad par gdung sras 'jam pa'i dbyangs bsod nams dbang po'i zhabs dpon slob rags bsdus gzab gshom dang bcas dal la gong du phebs bsu'i slad du phebs pa na/ rtse gdong bdag chen nyid dang mjal ba'i tshe/ de ma thag bdag chen pa nyid dang/ 'jam pa'i dbyangs dbang po'i mtshan can gnyis ka yun ring 'grogs pa'i mdza' bo ltar thugs yid shin tu 'dre bar gyur cing/ de nas rim par bsam yas su phebs pa na/ sngags 'chang chos kyi rgyal pos kyang phyag dang bsu ba'i slad du dkar zhal mthil du phyags phebs cing/ de nas bsam yas dbu rtse'i bar khang du spyan drangs te/ sku mched gnyis ka dges bzhin tu bzhugs gral mdzad pa la/ bsam yas pa rnams kyi dkar spro sogs bsnyen bkur phun sum tshogs pa bsgrubs shing/ de nas dpal ldan bla ma dam pa'i bla brang bkra shis sgang du 'dren pa dam pa sku mched khu dbon gsum gyis gdan chags te/ de'i sang nyin snga ba'i char pe har lha'i pho brang nas sku mched khu dbon gsum ka spyan drangs pa'i tshe/ dung rgya gling/ spos sna sogs dang/ gzhan yang rol mo dang bcas chos skyong rang nyid kyi gar 'chams mdzad pa sogs gus pa chen po'i ngang nas phebs