[A:43]yang skya ser bsam gyis mi khyab pa 'dus pa'i dbus su/ chos skyong chen po'i gsung gis/ da lta bod na gang zag 'khrul pa zad pa mang po med/ sa skya pa chen po'i gcen hor yul du byon nas nyi ma re la yang rdzu 'phrul mang du ston par 'dug ste/ de grub rtags su shes pa gdug 'dre min pa mi 'dug da stag lung na byon yod pas zab yangs mthil gyi gtsug lag khang 'di rnams la/ sa skya pa chen po dang/ dge bshes gcen po gnyis kyis rab tu gnas pa dang/ sems can la bde skyid 'byung ba'i slob dpon padma la gsol 'debs rgyas par mdzad na/ bstan 'gro la phan pa rgya chen po 'byung ba'i rten 'brel khyad par can yod pas/ sa skya pa chen po'i gcen po nyid gdan 'dren par gtong dgos/ zhes gsungs pa la brten nas/ rtse gdong bdag chen pa'i drung du/ bsam yas pa'i lha mi rnams kyis spyan 'dren gyi zhu yig dang/ khyad par sngags 'chang chos kyi rgyal po'i zhu yig mi sna dang bcas pa gnang ba'i tshe bdag chen kun dga' bsam grub kyang sku mched mjal ba la thugs shin tu spro bar gyur nas/ spyan 'dren pa rnams zhabs drung du slebs ma thag stag lung pa rnams la slar gang myur phebs pa'i bka' bzhes gnang nas/ de ma thag chibs kyi kha lo bsgyur te bsam yas su phebs pa'i tshe/ der bzhugs kyi