[A:453]'byor ba nas drug pa'i tshes gsum la bka' chos kyi dbu tshugasate zhag bdun song mtshams rje 'di'i mnal lam du a tsa ra mdog sngo bsangs g.yon na rwa dung zhig bzung / g.yas pas glegs bam zhig rje nyid la phul nas lam 'bras rdo rje'i tshig rkang dgos na 'di yin zer bas phyag brkyangs nas bzhes par brtsams kyang glegs bam phyag tu ma byung bar mnal sad pa zhig byung ba 'di res chos mtha' mi rdzogs pa'i ltas su snang /
de nas snang gsum rdzogs nas rje nyid gdan sa gong du phur sgrub la phebs shing / rgyal dbang sku zhabs su lam 'bras tshugs tshul sogs zhu yig 'bul mi gnang / mkhan chen nyid ljags bsnyen zhal gsos la bzhugs/ rgyal dbang mchog nas bka' lan du bka' chos tshugs pa legs tshul dang / slar yang phur sgrub grol mtshams gzhan dbang la ma song ba'i chos 'phro bzhes thub dgos tshul sogs dang / gdan sa dang mkhan chen gnyis kar bka' chos tshul pa'i dga' ston la mchod gzhis re gnang bar rje 'di nyid la brag dkar bkra shis bsam 'grub sogs gtan 'jags kyi bka' khra bcas gnang ba yin zhing / de mur mkhan chen sku khams bsnyel bar phur sgrub grol 'phral rje nyid phebs te rkyen sel bka' dbang sogs gnang / chos 'phro bshol te mkhan chen