[A:452]can dang /
chos rgyal 'phags pa'i gdan khri pad can steng / /zhabs rdul dmar 'od lhung ba'i 'dren pa khyod/ /sa gsum skye dgu'i tshogs kyi gtsug gtor rtser/ /rdo rje'i skyil krung gcig gis khyab pa 'dra/ zhes kun gyi gtsug rgyan du gyur pa chos rgyal 'phags pa dang mtshungs par bsngags pa la skyil krung rgya che drags pas srid pa gsum mnan pa 'dra zhes rab rtogs 'dra ba'i sgra can sogs daNDi'i gzhung lugs las drangs pa rgyal dbang nyid kyi chab shog glegs bam du gsal ba bzhin gnang ba ni/ slob dpon klu sgrub kyis/ thams cad mkhyen pa'i yon tan ni/ /thams cad mkhyen pa nyid kyi mkhyen/ /sa gzhi yi ni lci ba'i tshad/ mtha' yas nyid kyis shes par 'gyur/ /zhes pa ltar snang zhing / de lta bu'i snyan phrin gyis lam nas gsung ngag rin po che gsan bskul gnang 'byor dang / mkhan chen drung du'ang gsung ngag slob bshad gnang thub pa dgos tshul de bzhin yod 'dug pa bcas yos lo snron zla'i nyer lnga la chibs bteg shab dge sdings su phebs pa'i phyi nyin nas mkhan chen yang byon pa dang / gzhan yang dbon rin po che ngag dbang blo gsal mchog ldan/ sgra pa bshes gnyen rnam rgyal/ bya tshang rje drung sogs kyang