[A:46]ma lon par bstan dgra rnams la rtags mtshan myur du byung ba yin no zhes thos la/ de ltar stag tshang rdzong kha gzhan lag tu 'chor ba'i rgyu ni/ snga gong zhig rtse gdong bdag chen pas sde pa thob rgyal ba la dpung khyer khrid gnang ba tshabs su ma song ba la brten nas/ bdag chen rang yang btson lam du phebs dgos shar zhing/ de mthun stag tshang rdzong dang bcas pa yang mi lag tu shor ba la/ rtse gdong pa rnams kyis lan lon pa zhig ma byung kyang/ sngags 'chang chos kyi rgyal po nyid kyi bka' bzhin bsam yas chos skyong chen pos/ bdag chen kun dga' bsam 'grub nyid la 'phrin las sgrub par zhal gyis bzhes shing dam bca' phul ba 'di yang/ grub pa'i dbang phyug chen po nyid la phrin las mgon po sogs bstan bsrung dam can rgya mtshos bka' bzhin sgrub pa'i mtshan ma yang dag par rtogs shing/ de skabs chos skyong gi sprul pas dgra bgegs tshar gcod pa'i gzigs snang ngo mtshar can byung ba rnams ri mor mdzad pa ni/ da lta rtse gdong srid gsum rnam rgyal gyi 'du khang chen mo'i sgo nang na bzhugs pa de dag yin par grags/ de ltar mkhas grub kyi sgo nas bstan 'gro'i don rlabs po che mdzad de/ dgung lo lnga bcu rtsa brgyad pa chu pho sprel lo sbo zla ba'i nyer dgu la zhing gzhan du gshegs/