[A:47]de'i gcung ni sngags 'chang chos kyi rgyal po ngag dbang kun dga' rin chen te/ bdag nyid chen po 'di'i rnam par thar pa ngo mtshar rgya mtsho dang/ ngo mtshar rin po che'i bang mdzod sogs su gsungs pa ltar ro/ /
kun dga' bde legs/
bdag chen kun dga' bsam grub kyi btsun mo rtse gdong ma la sras gcig 'khrungs pa ni/ bdag chen kun dga' bde legs bkra shis grags pa rgyal mtshan dpal bzang po ste/ 'di ni sa mo bya yi lo la sku 'khrungs/ mkhyen rab shin tu che bas chos mang po thugs su chud/ 'jam dbyangs kun dga' legs grub kyi drung du dgung lo bcu bzhi pa chu pho khyi lo hor zla bdun pa'i tshes bcu'i nyin dge bsnyen mdzad de mtshan gsol/ dus 'khor gyi dbang/ sbyor drug gi khrid kyai rdor gyi dbang la sogs pa chos kyi sgo bsam gyis mi khyab pa gsan cing thugs dam dang gsan pa phul du byung bar mdzad pas ting 'dzin gyi sgo du ma 'khrungs/ chos rje rin po che kun dga' rgyal mtshan pa la gsung ngag gsan/ gzhan yang yab 'jam dbyangs kun dga' bsam 'grub pa dang ngor chen