[A:48]dkon mchog dpal ldan/ brang ti pa nam mkha' dpal bzang/ thub bstan mkhan chen byams pa rab brtan la sogs las chos du ma gsan/ bsnyen sgrub du ma mdzad cing nus mthu bsam gyis mi khyab rnal 'byor dbang phyug gi sprul par grags/ dgung lo bzhi bcu pa sa pho byi ba'i lo sa ga zla ba'i tshes lnga la zhing gzhan du gshegs/ sku gdung zhugs pa phul bas sku'i rtsibs rus la bde mchog phyag bcu gnyis pa yab yum sen mo'i khyon tsam pa ngo mtshar ba 'bur dod dang/ spyan ras gzigs kyi sku dang ring bsrel grangs med byon/ me tog re la 'ja' gur re yod pa mang po'i char babs so/ /
kun dga' bsod nams lhun grub/
bdag chen de la sras gsum 'khrungs pa'i che ba ni 'jam dbyangs kun dga' bsod nams lhun grub ste/ bdag nyid chen po 'di ni/ yab dpal sa skya pa chen po bdag chen kun dga' bde legs zhes bya ba'i rnal 'byor gyi dbang phyug de nyid dang/ yum ni lha mo nor rgyun ma'i rnam 'phrul yin par bdag chen kun dga' bsam grub pas lhums su yod dus bya bzang du lung bstan