[A:495]'jigs pas 'dir ma bkod kyang rnam thar chen mo dang / gdan sa deb chen las shes par bya'o/ /
zla ba bcu gcig pa'i nyer gcig la chos kyi rje ngag dbang bstan pa rab rgyas kyis rje btsun rdo rje rnal 'byor ma'i sgo nas sku gdung rin po che mchod sprin rgya chen dang bcas zhugs mchod phul skabs 'ja' 'ood kyi gur dang / me tog char/ lha rdzas kyi spos dri zhim po sogs 'jig rten thams cad ngo mtshar gyis khyab/ bdun phrag gcig gi bar du mchod 'bul gsol 'debs zhus te de mtshams gdung khang zhal phye bar phal cher gdung log tu gyur cing / sku'i rje ngar gyi rus pa gcig la rdo rje 'jigs byed kyi sku brnyan shin tu gsal bar byon pa sogs rang byon dang ring bsrel gyi rigs ma gtogs gdung rus thams cad 'dul sbyangs kyis 'jam mgon khri chen nyid nas bla ma sangs rgyas rgyud sde gong 'og gi yi dam chos skyong sogs kyi sku brnyan dang mchod rten sAtstsha bdun khri sum stong drug brgya don bdun la gser zho sum cu so brgyad ljib gsol mdzad/ phyi nang gi rten yang rje de nyid kyi sku tshab gser zangs kyi 'dra sku sku tshad can dang / gzim mal sman sku/ bu ston gyi thig 'gros ltar gyi rnam rgyal mchod rten thog tshad phyed gsum lhag pa bang rim man dang bre rgyan dang