[A:496]gdugs 'degs thugs rje mdo gzungs yan chad rnams gser zangs/ bum sdir dang bre dngul ljang brdung / chos 'khor bcu gsum pho 'khor mo 'khor gser zangs spel ma la rin chen khyad nor bgrang bar dka' ba'i phra rgyan sogs bzo bkod 'gran zla med pa dang / rten rnams kyis bzo phud du rje nyid kyi sku 'dra pad sbrags khru gang bcas sku 'dra dang mchod rten de dag gi rgyu chas rags pa la zangs khal lnga bcu nga bzhi dang / gser 'gur zho bdun brgya dang bcu/ dngul srang bdun brgya sum cu sogs song / bde gshegs mchod rten brgyad kyi bum ldir dngul/ gzhan rnams gser zangs las grub pa khru do'i tshad gras mnyam/ phyi rten rnam rgyal mchod rten mthong grol chen mor grags pa rnams kyi nang rten la sangs rgyas kyi ring bsrel/ bla ma gong ma rnams kyi ring bsrel/ gong du smos pa'i gdung tshwa de dag dang rje de nyid kyi sku bal rigs sogs byin rten dang gzungs bzhugs dpag tu med pas phyur bur gtams/
gzhan yang 'jigs byed dang phur pa'i bla brgyud kyi sman sku mi tshad bdun bcu don drug rje de nyid kyis dgongs pa'i lhag ma sngags thang chen mo nyer lnga/ gos bzang sgrigs kyi lha khang chen mo'i khyams stod dbus kyi gdung khebs su dus gsum sangs rgyas