[A:49]pa ltar/ rigs khyad par can du 'khrungs shing byams dang snying rjes mgon med skyong ba bla ma dang dkon mchog gi zhabs tog la brtson pa/ lugs gnyis la mkhyen pa rab tu rgyas pa ye shes mkha' 'gro'i mtshan dang ldan pa rnal 'byor gyi dbang mo dpal bu khrid ces bya ba'i sras su skyes bdag ces bya ba lcags mo lug gi lo rgyal gyi zla ba'i tshes brgyad kyi tho rengs res gza' lhag pa dang rgyu skar dbyug pa 'dzom pa'i tshe/ gdan sa chen po dpal rtse gdong gi bla brang chen po'i gzim khang du sa lo thams cad mkhyen pa sku 'khrungs pa'i gnas gzim chung phun tshogs gling gi shar phyogs gzim chung zil gnon zhes bya bar sku 'khrungs so/ /
bdag nyid chen po 'di yum gyi lhums su bzhugs pa na yum sku ldang ba yang ba dang lhag par yang byams pa dang snying rje che bar gyur pa dang/ sras 'gro ba'i don mdzad pa gsum 'byung bas dge la tha mi'i ming nas smos pa'i mtshan btags na dge zhes bya ba'i mnal ltas byun bar grags pa sogs mtshan ltas ngo mtshar ba du ma byung bar nges shing/ sku bltams pa'i tshe yang yum la gnod pa med cing bde bas brgyan pa dang/ rje nyid kyang mngal nas 'byung ba'i sdug bsngal gyi tshor ba med par bsam bzhin du srid par skye ba bzhes pa'i rnam par thar pas bde bar bltams shing